海鮮舫

珍寶海鮮舫應該係好多香港人嘅回憶,不過我自己就應該無去過。淨係記得有個咁嘅地方。我諗最多人會記得嘅原因係當年周星馳嘅一套電影「食神」,最尾個部份係去咗珍寶海鮮舫拍攝。而黯然銷魂飯都係咁樣誕生!而係好多外國旅遊書其實都有提及海鮮舫,所以亦都係一個旅遊景點!試問香港仲有邊度可以搵到咁嘅地方?希望海鮮舫唔會就咁成為香港人嘅集體回憶!

港潮語


個人分享
Tagged With: , , , , , , , , ,

前幾日係唔同嘅平台都有講香港嘅潮語,真係唔睇由自可,一睇又有一啲新嘅潮語。有啲都仲知道係啲乜,但係亦有啲真係完全唔知背後嘅意思。當然潮語嚟樣嘢係好容易暴露自己嘅年紀,因為你一開口講嘢,或多或少都會夾雜咗當年最流行嘅潮語係入面。有時就算想扮年輕都無用,因為唔同年代有唔同嘅潮語,所以當你用某啲潮語嘅時候,其實就已經出賣咗你自己嘅年齡。

掃街去


個人分享
Tagged With: , , , , , , , , ,

每年一到農曆新年就會有好多唔同嘅夜市,而每年其實都係得農曆新年嚟段時間先至有街邊檔出現。嚟個其實係香港嘅特色,因為以前細細個香港係有好多街邊檔,只不過而家基本上好難有機會見到街邊檔。雖然而家無咗以前個啲路邊檔,不過一到新年其實好多人都好期待去掃街。但係啲嘢好唔好食就見仁見智,而事實上好多都一般般,只係大家都想趁下熱鬧,感受下傳統嘅香港特色。

撐小店


個人分享
Tagged With: , , , , , , , , ,

雖然話香港嘅零售市道一直下滑,好多地方都見到有空舖,但係啲租金始終好昂貴。而家香港大部份嘅商場甚至乎地鋪都係大公司同連鎖店為主。基本上你去邊一區啲嘢都係差唔多。唯一可以搵到一啲比較香港本土有特色嘅嘢就要去到一啲比較遠同比較舊嘅區先至有。問題當然係啲小店根本俾唔起租金,就算俾得起其實都只係白做。每當啲小店一出名,啲業主就係咁加價,趕盡殺絕!

港渡輪

香港其中一個特色就係有一個好靚嘅維多利亞港同沿岸嘅景色。不論係日頭定夜晚,各有各嘅風味。而除非你好有錢擁有有隻遊艇,如果唔係其實好難會無啦啦係個海上面觀賞香港嘅景色。咁當然仲有一個方法就係搭天星小輪係香港中環碼頭去尖沙咀碼頭或者反方向都得。係海上嚟觀賞香港嘅景色係有另一種風味,因為係香港獨有,而係其他地方或者國家都無嘅景色。