流感針

每年香港都最少有兩個流感高峯期,好多家庭醫生都會建議小朋友同長者去打流感針。過往幾年流感而導致死亡嘅人數都唔少,分分鐘勁過沙士。好多時報紙報導嘅個案都係一兩日嘅事。所以做好預防措施係有必要,如果唔係等爆發嘅時候就已經太遲,因為就算你想打針都未必有。更何況而家有好多內地嘅人會嚟香港打針,一旦流感爆發嘅時候分分鐘香港唔夠流感針供應。