開網店


個人分享
Tagged With: , , , , , , , , ,

真係好多人因為疫情所以搞網店!但係一間網店係今時今日嘅環境,真係成也數據,敗也數據。唔識分析數據就更加唔好諗點樣賺錢!當然開網店嘅平台多的是,除咗解決開店問題,仲有好多嘢要處理,包括貨源,價格,定位,付款,物流,客服等等。就算搞掂以上嘅問題,之後其實仲會有好多其他營運上嘅問題每日都要解決。所以做搞網店一定要數口好精!如果唔係大部份都係蝕錢收場!

留在家


個人分享
Tagged With: , , , , , , , , ,

其實個政府係唔係真係傻㗎?當然明白最近大家嘅防疫意識開始減低,但係出街唔可以多過四個人,食飯一抬又唔多過四個人,餐廳要每一台至少隔開一點五米。而措施係今晚六點鐘生效,咁今日結婚嘅新人點算?無啦啦話實施就實施,咁究竟邊個埋單先?如果一早封關,然後全部強制入隔離營,相信感染人數應該會少好多。其實已經無話邊個自私唔自私,因為無論點都好大家都希望疫情快啲過!

儀錶板


個人分享
Tagged With: , , , , , , , , ,

儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。

數據先


個人分享
Tagged With: , , , , , , , , ,

好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!

去開源

相信好多創業嘅朋友都會遇過不同嘅高低起跌,當然一定如果順境同逆境。有啲或者選擇去節流,將營運規模縮小等待時機再重新出發。有啲就利用原本嘅資源同時間去開源!邊條路係啱無人知,不過如果唔變,只係死守嘅話一定唔係出路,所以好多創業嘅朋友都不斷去開拓唔同領域嘅業務。雖然有時會令好多人唔明白公司嘅方向,但係有邊間公司真係只會做一樣嘢?