學營商

過去兩年都有幫學生營商體驗計劃做商界顧問,而今年就選擇咗去幫嘉諾撒聖心書院嘅學生。當然好開心見到啲中學生參加嚟個活動,因為除咗要應付日常學校嘅嘢之外,佢哋仲要係好短嘅時間之內諗一個產品兼且要製造出嚟。當然個計劃唔係啲乜嘢比賽,而係希望啲中學生可以透過活動去理解營商嘅環境,所以就算到最後無如何既獎項都唔緊要,因為只係希望佢哋了解營商究竟係啲乜嘢回事。我哋嘅責任只係在旁協助,給予意見!

整遊戲


個人分享
Tagged With: , , , , , , , , ,

相信如果我問大家曾經玩過乜野嘅桌上遊戲,我諗大家一定會話大富翁。但係大家除咗大富翁之外,有無玩過其他嘅遊戲?其實係外國有好多唔同種類嘅遊戲,但係香港就唔係太多人玩。而原來香港有公司係專門設計同製作桌上遊戲,當中原來真係有好多學問。點解我會突然之間會講桌上遊戲?原因係因為今年再一次參加學生營商體驗計劃,而今年嘅產品應該會係一個桌上遊戲。

鬥數據

「經濟」

當經濟下滑嘅時候,零售業好多時都會首當其衝,以今時今日嘅營商環境好多人都會轉戰網上市場。但係轉變嘅過程其實需要好多嘢嘅配合,而數據係主宰成敗嘅關鍵。如果誤打誤撞其實好容易損手爛腳!過往見過好多公司其實都會揀錯服務供應商,而經常聽到嘅係投資咗好多但係冇乜效果,因此慢慢就會對網上營商失去信心。

談回報

之前講過數據將會係未來唔同行業嘅最大武器,而傳統嘅營商模式係解決每日社會嘅問題。但係當一啲行業邁向數碼化嘅時候,互相競爭嘅再唔係最終購買嘅產品或者服務,而係用戶體驗同利用數據去制定營運模式。傳統營運模式好難去計算成本效益,好多時都係要估估下。舉例,買一個三十秒嘅電視廣告要幾多錢?有幾多人睇?睇完有幾多人會幫襯?究竟買完廣告嘅實質銷售回報有幾多?