放霧霾


個人分享
Tagged With: , , , , , , , , ,

我其實好鍾意影煙花,真係有諗過連續影十二年,將十二生肖嘅煙花匯演都影晒。我有一年真係好早去到尖東海旁去霸位,但係真係好天曬落雨淋。不過如果講地點嘅話真係最近同最有利!影煙花真係好睇天氣,所以有時天氣唔好,雲層低,無乜風嘅話,影完第一輪之後基本上好多時都係影煙多。有時真係睇彩數,而之前影咗四年,印象中只有一年真係講得上天朗氣清。

放煙花


個人分享
Tagged With: , , , , , , , , ,

係回歸之前,我印象中,每年淨係農曆新年香港先至會放煙花。所以可以影煙花嘅機會真係好少,不過依家香港每年都至少放三次煙花,所以可以影煙花嘅機會就多咗。以前每年我都會去尖東海旁影煙花,尤其係農曆新年,但係四年前嘅今日,突然之間同老婆講唔去影國慶煙花喇。點知嗰年就發生咗南丫海難嘅慘劇。自此之後,我亦都無再去影國慶煙花。

年初二


個人分享
Tagged With: , , , , , , , , ,

「煙花」

之前每年都會係年初二去影煙花。香港嘅賀歲煙花係維多利亞港嘅上空盛放,要睇一般都要好早去攞位。如果唔係,基本上你唔好話去睇煙花,連影都無辦法影到。不過今年因為老婆陀住個細,為咗安全,今年唯有打破嚟幾年嘅傳統,年初二唔去影煙花。今年雲層低,同無乜風,又係煙都爆咗,所以應該無乜損處。