考技巧


個人分享
Tagged With: , , , , , , , , ,

每次準備一啲重要嘅計劃書都會遇到一個好重要嘅問題,就係內容太多時間太少。要用最短嘅時間講最多嘅嘢真係好考技巧,因為時間有限所以要係短短嘅六十分鐘將訊息完完全全表達出嚟,老實講唔係樣樣嘢都可以一言兩語就可以講完。好多時我都會去研究人哋嘅計劃書,因為從中可以學習到一啲技巧,不過講到尾都要要睇邊個去演繹成件事,就算同一份計劃書,唔同人都會有唔同嘅演繹方法。

開班啦

「課程」

今年其中一個好想做嘅嘢就係搞數據分析嘅課程。點解?因為覺得香港好似仲未有一啲針對數據分析嘅課程,所有嘢都係散修修,無一個系統性嘅學習課程。其實由年頭講到而家都已經半年,但係都未係好認真咁去搞。因為真係有少少摸著石頭過河。雖然有好多嘢都未係準備得好好,不過都想一步步咁去實行。最起碼咗個頭先啦!

做分享


個人分享
Tagged With: , , , , , , , , ,

「分享」

好多時都會有人無啦啦打電話嚟話有乜嘢講座想搵你做分享。尤其係年尾,好多講座同培訓課程,所以特別多咁嘅邀請。當然好多時我聽到啲人搵自己去分享數據分析有關嘅題材我都會有興趣,只不過年尾真係太多咁嘅邀請,但係有時一啲同數據無關嘅邀請就要諗下去唔去。事關做分享唔係問題,只不過真係邊有咁多時間去準備咁多嘢。當然你可以話用啲講過嘅題材,但係有時真係唔得。

好期待


個人分享
Tagged With: , , , , , , , , ,

「入院」

今晚老婆終於入院準備聽朝醫生捉郭大少出嚟。當然知道老婆擔心好多嘢,希望佢今晚可以放鬆啲,唔好諗太多嘢,開開心心咁迎接我哋嘅結晶品出世。雖然過去幾日仲諗緊開刀定順產。但係最後老婆選擇開刀,而我知道佢有少少唔開心,因為係最後一刻覺得心理壓力好大。無論係開刀定順產,其實已經好叻架啦。懷胎十月唔係一件易事。辛苦晒!

放產假

「產假」

今日係老婆最後一日返工,聽日起就開始放產假,準備迎接郭大少嘅來臨。我哋亦準備倒數最後十四日。當然嚟個係用預產期嚟計喇,但係其實佢真係可能會早啲出嚟都未定。所以係老婆放假之前,就做埋最後一次產前檢查,而亦都應該係通過超聲波睇郭大少個樣。但係點知今日竟然整個睡羅漢樣比我哋睇,仲要托住個頭好似好不滿咁。。。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。