管理層

點解海洋公園會搞到今時今日嘅局面?好唔容易先至捱過逆境,有好嘅盈利,有好嘅團隊,但係點解要換走一個咁做得嘢嘅主席?其實大家應該最記得係盛智文嘅年代,因為好多新嘢都係佢接管嘅年代創造出嚟,就好似萬聖節嘅「十月全城哈囉喂」。而好多嘅獎項都係盛智文年代所獲得,包括國際遊樂園及景點協會博覽會(IAAPA)頒發頂尖榮譽大獎「2012 Applause Award」(全球最佳主題公園),成為首座亞洲主題公園獲得嚟個大獎!

萬聖節

萬聖節同聖誕節一樣都係嚟自於天主教對其它文化嘅節日吸收同重新詮釋。萬聖節起源於不列顛凱爾特人嘅傳統節日,係十月嘅最後一天,佢哋相信嚟個係夏天嘅終結,冬天嘅開始,而嚟一日係一年嘅重要標誌,係最重要嘅節日之一,被稱為「死人之日」或者「鬼節」。嚟日各種惡鬼出沒,死去嘅人啲靈魂都會離開身體,係世間遊走,嚟日嘅夜晚亦特別危險。而為咗嚇走邪惡嘅鬼魂,凱爾特人就會戴上面具。

白海豚

「海豚」

由細到大,有一種動物我都好鐘意。佢就係海豚!每次見到佢哋都覺得佢哋好得意,好聰明!所以好多時唔明點解某啲國家容許人類獵殺海豚。而香港嚟個咁細嘅地方竟然都有野生海豚出沒。仲要係一種比較特別嘅品種「中華白海豚」!全身白雪雪,好靚。但係我哋嘅政府就偏偏唔識保護嚟啲自然生態,樣樣嘢都話同民生,經濟有關。