流感針

每年香港都最少有兩個流感高峯期,好多家庭醫生都會建議小朋友同長者去打流感針。過往幾年流感而導致死亡嘅人數都唔少,分分鐘勁過沙士。好多時報紙報導嘅個案都係一兩日嘅事。所以做好預防措施係有必要,如果唔係等爆發嘅時候就已經太遲,因為就算你想打針都未必有。更何況而家有好多內地嘅人會嚟香港打針,一旦流感爆發嘅時候分分鐘香港唔夠流感針供應。

入醫院

郭大少由出世開始都好健康,係試過手足口同玫瑰疹,但係兩次都係因為比人傳染。所以每當佢一發燒我哋都好緊張,因為真係好怕啲流感病毒。小朋友發燒真係可大可小,而如果唔係話去到四十度咁高燒嘅話,一般我地都睇到實。依家有好多病我哋真係未聽過,因為細個邊度有咁多奇怪病,最多都係發燒感冒個啲嘢。真係做咗人哋父母先至知道個小朋友有咁多唔同嘅病。