靠團隊

「運動」

大部份嘅團隊運動都係要靠一個團隊嘅合作性先至會發揮到最佳嘅效果!藍球係咁,足球亦都係咁。正所謂波係圓嘅,未到最後一分鐘,其實都仲未可以分得到勝負。就以今年嘅歐洲國家盃為例,真係有好多驚喜。今屆嘅比賽亦都證明咗就算身價幾高嘅球員,技術有幾高超都好,如果只係靠一己之力其實係唔會走得遠。所以信任自己嘅隊友係好緊要!

換頭像

每個人嘅價值觀都有唔同!乜嘢叫做廉價表態,乜表態有分貴定平?我真係唔知,因為對我嚟講表態係對一啲事同物嘅睇法。咁點為之廉價?我出文章係記錄自己今日嘅念法,對我嚟講係無價!正所謂不喜勿入,你可以選擇去睇同唔睇。有時大家都只係想多啲人知道同關注事件,可必要用價值去評論事件呢?希望大家唔好只係為咗自己嘅睇法唔同而去否定別人嘅價值觀!事關大家都係嚟個社會嘅人,大家都係平等!

太恐怖

其實唔明白點解今時今日有啲咁恐怖嘅組織同思想!乜嘢宗教會灌輸殺害其他人類嘅思想,甚至可以灌輸自剎式嘅襲擊。真係好恐怖!就算俾你報復到又如何呢?殺害手無寸鐵嘅平民可以得到啲嘜嘢回報?雖然之前因為美國「九一一事件」全世界要「反恐」逝世要將阿爾蓋達嘅主腦「拉登」緝拿。但係依家因為好似群龍無首,恐怖襲擊變得平常化。地球真係越嚟越危險!