籃球迷

「籃球」

相信好多香港人除咗係足球迷之外,佢哋應該都會係一個籃球迷。如果講到職業籃球嘅話當然大家最關注嘅就係「美國職業籃球聯賽」,一般嘅賽季都會係每年十一月嘅第一個星期嘅星期二開始,分為常規賽同季後賽兩部分。而常規賽係以循環賽制進行,每支球隊都要完成八十二場比賽。每個聯盟嘅前八名,包括各個組別嘅冠軍,將有資格進入接下來進行嘅季後賽。季後賽採用七戰四勝賽制,分四輪!季後賽嘅最後一場總決賽由兩個聯盟嘅冠軍爭奪最高榮譽!

加油呀

「賽車」
相信好多男仔都應該會鍾意賽車呢個運動,只不過係香港就真係好難可以接觸到。當然玩車嘅人好多,但係職業賽車手就好少,有好多都係業餘!係香港要接觸車呢件事其實已經好難,唔似得外國好多人好細個就已經有車牌,事關係生活嘅需要而且佢哋要日日揸,技術上面一定比好多香港人好。而要真正去賽車感受賽車運動,大部份人會去珠海或者肇慶參加賽道日。

白棱鏡

「比賽」

嚟幾日喺網上面除咗政府啲笑話之外,我諗「蒙面歌王」一定係另一個網民嘅熱門話題。本來淨係睇媒體報導呢篇新聞都覺得冇乜嘢,但係越睇就越好笑。個比賽其實係源自一個韓國嘅綜藝節目,而每兩集就由八名隱藏年齡同身分嘅參賽者用佢哋嘅歌聲嚟進行淘汰賽。而《蒙面歌王-中國版》就由江蘇衛視同上海燦星製作攜手合作,由七月十九日開始,每個星期日同星期一播出。

做評判

「一年」

唔經唔覺又一年,今年「谷歌年輕創業企劃」再一次搵咗我去做其中一位評判。當然其實自問無乜資格,因為比我做得好嘅人大有人在。但係每一次都非常開心見到一班年輕人為佢哋自己嘅夢想奮鬥!每一次都會遇到一啲好特別嘅方案,而且好有啟發性。當然亦有啲方案仲有好多問題要解決,如果有人指點下或者可以去得更遠!希望大家繼續努力啦!

去比賽

「原因」

好多創業嘅生力軍都會去參加不同嘅創業活動。我開始嘅時候都會去認識多啲人,睇吓周邊有冇啲做類似嘅嘢。當中有好多人會參加本地同海外舉辦嘅比賽。目的個個唔同,有啲想推廣,一啲想集資,有啲唔知想點。其實去比賽嘅意義我覺得反而係去交流,學嘢同聆聽。抱著去贏嘅心態期實好危險。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。