畫彩虹


個人分享
Tagged With: , , , , , , , , ,

細細個都希望見到彩虹,我哋細個學彩虹有乜嘢嘅顏色都係,「紅橙黃綠青藍紫」。畫畫嘅時候都會將啲顏色筆排成彩虹咁。當然細個嘅時候亦都有聽過彩虹嘅盡頭會箱黃金。不過大個咗之後就知道係無可能去到彩虹嘅盡頭,因為彩虹係太陽光線穿過雨點之後折射出嘅現象。當然對於好多人彩虹有唔同嘅意思,但係一個無可否定嘅係,大家見到彩虹到會講,「你睇,有彩虹呀!」。

一環扣

今次嘅肺炎對於好過行業都有重大影響!除咗好多工作都係一環扣一環,而首當其衝嘅一定係航空業,酒店業,旅遊業同零售業。因為各國都封關,基本上所有嘅人都唔會去到旅行,而商業活動亦都只可以透過網上舉行,所以航空公司都真係無辦法,只可以停飛。無人去其他地方,咁當然就無人需要住酒店啦,入住率超低。至於旅遊業就更加唔洗諗,無遊客就等於無收入。而零售業就更加唔駛多講,尤其做旅客生意嘅都相信唔捱到幾耐。

向錢看


個人分享
Tagged With: , , , , , , , , ,

好多時都會聽到有人批評時下嘅年輕人,而其實每個年代都會遇到同樣嘅情況。不過新一代真係睇錢睇得比較重,嚟個問題其實嚟自而家嘅社會環境。如果你問大部份嘅年輕人要自己出嚟租層樓住嘅話,我相信好多都會同你講無可能。就算租間套房都起碼要六七千蚊啦,而人工一般都係萬幾蚊個月。再加上向上游嘅機會少,又無前途,又無錢財,咁好自然睇錢做人啦。

大連市


個人分享
Tagged With: , , , , , , , , ,

唔知有幾多人知道大連市係邊,最起碼十幾年前我真係連嗰名都未聽過。只係因為澳洲舊老細話有個位係大連,要一個人去管理一個新嘅團隊,所以就有前無後咁應承咗佢去大連。原本諗住只係去兩年攞經驗,點知一去就五年,不過亦都係事業發展得最快嘅五年。唔經唔覺真係離開咗近十年,一直都無機會再返去。事關都真係幾遠,而每一都只係得一班機係香港飛大連。

諾基亞

仲記得好多年前因為公司一個項目要去諾基亞芬蘭嘅總部去開會,亦都係因為嚟個項目去咗芬蘭好幾次。最深刻嘅一定係晏晝收到電話話要後日開會,搞到要臨時臨急訂機票同酒店。由早上六點係屋企出發,先由大連先飛到北京,再由北京飛到法蘭克福,然後再轉機由法蘭克福到赫爾辛基,之後到酒店嘅時候已經係當地凌晨。點知去到酒店一睇電郵先至話個會取消,要一個星期後先開,等我滯留喺芬蘭足足一個星期!