大抽獎

相信好多父母都希望自己嘅仔女可以有一個好嘅學習環境,所以每當去到升小學嘅時候都特別緊張,因為一讀就讀六年!當然有人歡笑有人愁,小朋友派到一間心儀嘅學校就當然最好,不過今年嘅小一派位只有三分之二嘅機會獲派頭三志願!而因為小一統一派位係隨機抽籤,所以大家都會用大抽獎去形容嚟個機制。相信到我嘅時候我都會好緊張,不過都要順其自然,因為有時希望越大失望越大!

選管會

香港擁有嘅民主自由真係慢慢被侵蝕,而今年嘅立法會選舉就更加明顯。自從之前嘅區議會選舉之後,好多人都會認為係立法會選舉嘅前哨戰。所以當出現咁多嘅不明朗因素,今次嘅立法會選舉政府當然會有所舉動。當然好多官員都會提及本土或者港獨等等嘅言論,其實每個地方都有唔同聲音,而咁高調批評反對聲音就好明顯想壓制個班人!

大細超


個人分享
Tagged With: , , , , , , , , ,

老實講香港依家嘅教育真係去到一個無可挽救嘅地步。小朋友要入學首先就連佢出世嘅月份都有關係!講真一個得一兩歲大嘅小朋友可以面試面啲乜?阿爸同阿媽做乜嘢又同你收唔收個學生有關?不如的學校要家長提供入息證明同信貸記錄好唔好?真係超級離譜!辦教育竟然辦到淨係挑選佢哋認為有能力嘅小朋友,咁仲係一視同仁?況且得個一兩歲人仔可以話俾你聽幾多嘢?

選特首

「特首」

我相信大部份嘅香港市民係唔明白個特首係點選出嚟。今次林鄭月娥又再一次被人擺上枱,基本上香港人只可以係預設嘅情況下選特首。個所謂政改基本上係一套屈機嘅機制!因為基本上選舉個機制無改過,只係象徵式咁好似好民主咁俾所謂嘅投票權我哋嚟班香港人。但係個事實係,好似射十二碼咁「一係入,一係唔入」嚟兩個結果。仲要個龍門唔係用標準嘅大細!問你死咪!