因為一個突如其來嘅病毒，令全球改變咗生活同工作模式。以前大家覺得唔正常嘅嘢變得好正常，而亦都將以前正常嘅嘢邊得好唔正常。咁乜嘢先至係新正常？最起碼而家世界各地都知道帶口罩嘅重要性。無得去旅行，無得去公幹，無人搭飛機，無人訂酒店，完全好正常。原來好多工作係可以唔需要返公司先至做得，係屋企做亦都可以。如果真係繼續講真係有排數。

相信香港好耐無試過一個無遊客嘅黃金週。當然好多人以前係靠內地遊客係假期嚟香港旅遊同消費。當然最受惠嘅都係旅遊業，零售業，飲食業等等。但係香港人就覺得好攰，除咗平時自由行，水貨客搞到好多地方都人多擠迫。最大嘅問題就當然係質素問題！而當大家過去咁多年都好容易賺錢嘅時候，當遇到逆市嘅時候，就好似而家咁。其實太過依賴單一收入來源先至係問題所在，而且係市況好嘅時候唔改變，到問題出現嘅時候就已經太遲了！

香港由農曆新年之前就已經開始對武漢肺炎有所警惕，全因為當年沙士嘅慘痛經歷。當全球仍然當隻肺炎係流感嘅時候，我哋香港人已經周圍搵口罩，準備最壞嘅情況。除咗香港政府嘅後知後覺，實施一堆濟後嘅措施導致香港出現第一波同第二波嘅海外輸入之外，老實講香港嘅感染個案應該會更早出現零個案。所以我哋應該為香港人自豪，政府就算把啦！

過去十年嘅變化實在太大，因為智能手機，平板電腦，社交媒體，網絡速度等等嘅出現改變咗我哋嘅生活模式。所有嘢都係講求一個快字，有時候快到一個地步基本上跟都跟唔切。我哋嘅新世代基本上一出世就已經係一個咁嘅環境成長，可想而知佢哋嘅生活模式會同我哋好唔同，因為我哋以為自己好前衛，其實已經俾佢哋唾棄。

相信好多人都會討論近期一隻大熱嘅電話遊戲《青蛙旅行》，但係點解咁多人講嚟隻遊戲呢？究竟佢點解會咁紅？甚至乎報紙都有報導？其實玩法就真係好簡單，首先就係要收集啲三業草，然後就買唔同等級嘅糧食同裝備，之後就等青蛙去旅行。佢可以一去就幾日，你開隻遊戲出嚟都只係為咗收集三葉草。而唯一期待嘅就係隻青蛙寄返嚟嘅明信片！