相信好多人都會問究竟IBM而家究竟係一間乜嘢嘅公司？其實作為前員工，我都會問同一個問題。因為換咗行政總裁之後，老實講真係唔知做緊啲乜嘢。大部份人仍然停留係當年賣電腦嘅年代，只不過自從佢哋將整個個人電腦部門買咗俾聯想之後，其實就一直不斷轉型。當中最主要嘅仍然係諮詢服務為主，提供唔同嘅企業方案，而另一樣嘅就係人工智能。