維修佬


個人分享
Tagged With: , , , , , , , , ,

見而家好多人郁啲就話搵人返嚟整呢樣果樣,其實如果自己識整嘅話,就唔使俾人賺啲人工錢,因為分分鐘啲人工貴過你啲材料嘅錢。所以好多時我選擇自己搞掂屋企嘅問題。個人認為,作為一個男人,點都要識啲基本維修嘅技能。就等於我唔明點解啲人揸車可以連車胎都唔識換一樣。有時有啲嘢係基本技能,唔識就應該要學下,如果唔係有乜嘢突發事情都唔識處理!

演講學


個人分享
Tagged With: , , , , , , , , ,

過去幾年真係無數過自己去過幾多個講座同培訓課程。自己亦已唔同身份參加嚟啲活動,而我當然享受做演講同培訓嗰個啦。但係講得好唔好就真係唔知,事關唔係好多人會同我講返我做得好唔好。所以如果有人肯同我講返嘅問題,其實我係歡迎之至!如果唔係真係好難進步。而當每次有咁嘅機會,我都好珍惜,事關越做得多就越得心應手。

整蛋糕

「話說」

無啦啦唔知戚起邊條筋想整蛋糕。不過屋企冇焗爐,所以無得整。點知有日係網上見到有人教整 Crepe Cake,好似好易咁。最最最重要係唔駛焗爐,嚟個係最大嘅優點!所以今日去咗買啲簡單材料試試佢。因為每次去 Greyhound 都會叫嘅一個甜品,所以試試得唔得先至再買過啲靚嘅材料。唔係浪費咗就唔好啦