一條龍

好多公司都想做到一條龍嘅服務,有啲係因為貪心,有啲係想提供更好嘅服務。而好多客戶都唔想煩,尤其係去管理唔同嘅服務供應商,而且合作開有默契。當然搵一個人好過搵十個人,只不過係唔係所有嘅服務範圍都係佢哋嘅強項。當然有時要衡量好多唔同因素,而大部份嘅公司會注重價錢同質量,所以好多時都要取捨。但係依家環境唔同,所以好多公司都會搵啲專業啲嘅公司去處理唔同嘅服務。

坐廉航


個人分享
Tagged With: , , , , , , , , ,

近年好多人都會選擇搭廉航去旅行,原因當然就係價錢比起傳統航空公司平。如果係短途嘅話都仲可以,因為最主要嘅係無咗飛機餐同行李要俾行李費。當然佢哋賺錢嘅地方未必係機票本身,所以佢哋嘅收入一定係靠其他嘢。不過廉航真係可以長做?真係可以靠其他嘢賺錢去營運?其實有時無嘢擔心,最擔心嘅係飛機嘅安全,斷估佢哋都唔會買架新飛機返嚟掛!

平安鐘

相信好多人都聽過「平安鐘」嚟樣嘢,但係你對佢哋嘅服務有幾多嘅認識?或者你覺得你無需要嚟個服務,但係其實如果你屋企有老人家嘅話,嚟個服務真係有必要。而家佢哋所提供嘅服務同以前好唔同,為咗配合唔同嘅需要,佢哋有唔同嘅方案。其實老人家佢哋如果遇到問題,好多時都真係未必識得打電話或者打到電話,所以平安鐘嘅一掣式設計就適合啲老人家用。

又裁員

係商業環境,開源節流係好平常嘅事。當然裁員係節流嘅常用手法!通常都係將一啲高人工,高年資,低價值嘅職位嚟開刀。而好多時資訊科技嘅部門都被視為高開支嘅部門,但係好多管理層其實忘記咗今時今日好多同營運有關嘅事務都係同科技有關。要提高工作效率,節省資源,其實都要靠科技。但係點解將自己嘅資訊科技嘅員工開除,之後再搵出面嘅公司承包?咁樣真係慳到錢?

去洗車


個人分享
Tagged With: , , , , , , , , ,

其實返咗嚟香港咁多年,有一樣嘢唔係幾明白嘅就係點解香港啲車大部份都咁乾淨。唔通架車係一定要一塵不染先至可以揸出街?因為有時自己架車污糟啲就會覺得唔知點咁。因為係外國好多時都係自己洗車,有時真係分分鐘一個月先至洗一次,如果打蠟嘅話,真係一年都唔知有無一次。當然係香港好多屋苑都會有人日日抹車,而好多新車都會去做鍍膜,就算唔做都會間唔中去搵人打蠟。真係乾淨到暈!