好亂呀

唔知點解越嚟越對香港陌生,究竟係啲乜嘢問題?當然每一個社會都可以容納唔同嘅聲音,但係慢慢發現有啲人嘅思想同言論真係無辦法去理解。執法人員竟然知法犯法,但係佢哋竟然係受害者,需要幫忙?我有無聽錯?會唔會因為佢哋濫用私刑,所以導致今日嘅結果?今次有可能係咁啱俾人影到,但係現實又有幾多係大眾睇唔到?咁警察同黑社會有啲乜嘢分別?

懲人節

今日係「情人節」亦都係「懲人節」因為「七警案」終於有裁決!七名警員涉及佔領期間係添馬公園嘅變電站暗角位置,毆打公民黨前成員曾健超。法官今日係早上宣讀裁決,裁定各被告有意圖而導致他人身體受嚴重傷害罪名不成立,但係較輕嘅襲擊致他人受傷控罪則全部罪成。而第五被告陳少丹另亦被裁定普通襲擊罪成,各人須還押。法官聽取各人求情後,將於周五早上判刑。