七月一

唔經唔覺香港已經回歸咗十八年!所謂嘅五十年不變係唔係真係無變過?如果你問我,我會同你講變咗好多!就算只係返咗嚟好幾年,但係已經感受到個變化。雖然話自己都係內地生活過五年,但係香港始終係香港,係應該有自己獨特之處。香港原本有嘅優勢慢慢流失,而一個健全嘅社會係應該有多元化嘅發展。不過回歸之後就樣樣嘢都一步一步倒退。

我要真

「老爺」

今日最多人講嘅題目相信除咗「丁蟹效應」之外就一定係「黃秋生」係香港電影頒獎典禮講嘅「我要真。係做司儀」。無論你對佢有冇好感都好,好多時無論係訪問或者網上嘅言論都展示出佢嘅清晰嘅思維。如果你有睇過佢講「歧視」嘅訪問就知道佢講嘢係好有邏輯同句句到肉。今次除咗「我要真」之外,「袋住先」亦都係另一個焦點!真係「抽」到盡!

港聲明

「聲明」

「中英聯合聲明」係指『中國』同『英國』就「香港」嘅問題作出一份共同發表嘅聲明。係 1984年12月19日由中國國務院總理「趙紫陽」與英國首相「戴卓爾夫人」係中國北京簽訂,當時中國最高領導人「鄧小平」和中國國家主席「李先念」等都有係現場見證。兩國政府係 1985年5月27日互相交換批准書,並且向聯合國秘書處登記,《中英聯合聲明》正式生效,象徵歷時 13年半嘅香港過渡時期嘅開始。