地方言

每個地方都有自己嘅方言,就算香港係講廣東話都好,其實同傳統嘅廣東話好唔同。只不過好多方言因為越嚟越少講,亦都唔普遍,所以慢慢就消失咗。當然中國係一個好好嘅例子,因為好多地方都有自己嘅方言,只不過因為官方語言,新一代返學都係學普通話,所以慢慢應該方言就會消失。其實唔知有無人紀錄低啲方言?除咗係保留當地原始語言之外,最主要就係唔希望佢消失。

試映會

之前我同老婆講我好想去睇「十年」,原因係睇完宣傳片之後已經好有共鳴!當五個唔同嘅導演用五種不同嘅手法再係二十分鐘嘅時間表達佢哋嘅睇法,講真難度非常之大。慶幸嘅係有一位朋友盡心盡力咁舉辦咗一場戶外試映會!點解要係戶外睇「十年」?因為十年係可以見光!十年後香港會變成點?只要堅持香港有希望!而我亦打破一貫嘅文章格式去記錄低我嘅感想!

廣東話

作為一個香港人,當然係講廣東話啦。而廣東話係我哋香港嘅文化,就算係廣東省,佢哋講嘅廣東話同香港都有啲出入。其實每個地方嘅語言係代表嗰個地方嘅文化。如果連有一日香港嘅第一語言唔係廣東話嘅話,咁香港仲係香港嗎?其實廣東話係全世界最難學嘅語言之一,事關單係音調就已經有八至十個。除咗普通話之外,唯一係外國大學有獨立研究嘅語言就係廣東話。