東方昇

真係好耐無睇無線嘅劇集,但係最近又有新一輯嘅「世界零距離」咁當然要睇下今次方東昇又有啲乜嘢金句帶俾各位觀眾。如果唔係佢咁多金句應該都唔會吸引咁多人睇。因為最近啲劇集真係無一套吸引,就算想睇道無計,因為要等郭大少瞓咗我哋先至會開電視。雖然個節目只係播咗三集,但係已經好好笑。更重要嘅係真係有嘢睇,有嘢笑,有嘢學嘛!好難得係有啲咁嘅節目當然要坐定定睇啦!

方東昇

當然唔係個個人會睇無線嘅節目,但係有時真係係屋企無無聊聊都會開著個新聞台係咁播。如果大家有留意,本來係無綫新聞台播開嘅「世界零距離」無啦啦唔知點嘅會係無綫翡翠台十點半嘅時候播。當然佢最主要嘅內容就係去一啲我同你都未必去嘅地方。講真有啲地方都幾特別,唔講真偽唔知有嗰個地方存在。雖然唔係啲乜嘢大製作,只係一個新聞報導員主持嘅一個節目,不過就幾有趣。