估唔到今晚「新聞透視」竟然講數據，而且用「數據年代」作為題材。而作為香港推動數據分析嘅其中一份子，嚟個題材當然好吸引。不過都係果句，唔好再用「大數據」好唔好？事實上數據係如何產生？當然係透過我哋每日所做嘅嘢而產生，而就算你係屋企唔出街都會有數據產生。數據唔係萬能，但係如果將數據運用係適當嘅地方，其實係可以優化好多我哋生活嘅問題！