思考題


個人分享
Tagged With: , , , , , , , , ,

有啲人好憎玩推理題,而有啲推理題真係幾難。雖然有一啲亦都係擺明陰濕,所以唔係啲人唔識答,而係設計問題嘅時候就已經專登設定成咁。你做完都只會得啖笑。所以而家見到一啲類似嘅題目就知道竅門所在。不過亦有啲人話係因為人大咗,所以諗嘢複雜咗或者簡單咗,所以忽略咗問題嘅重點。不過點都好最近玩咗個幾好玩嘅,所以希望同大家分享下!大家唔好出貓呀!

再寫過


個人分享
Tagged With: , , , , , , , , ,

其實真係有諗過放棄唔再寫,因為之前所有嘢都差啲因為伺服器唔小心,導致所有嘅圖片都無晒,唯一慶幸嘅就係之前寫落嘅嘢仲有背份。不過亦都需要好多心機將啲圖片逐一補返上去。當時知道無晒所有嘢真係好沮喪,因為寫咗好多嘢,真係好多心機同心血係入面。好彩嘅係有六七成嘅圖片仍然係我部舊電腦入面,所以未至於無辦法執返好個網站。而家應該仲差四百篇文要處理,同大約兩年嘅文章要寫返。

新聞業


個人分享
Tagged With: , , , , , , , , ,

相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!

無目的


個人分享
Tagged With: , , , , , , , , ,

每日寫文章嘅目的係乜嘢?係唔係因為有目的先至寫文章?好多人覺得我好無聊,點解每日都用一定嘅時間去寫文章。當然有時我都唔知道點樣可以答佢哋,但係好多場合我都可以用自己嘅網站做實例,其實已經係值回票價。當然日日寫文係無回報,甚至乎有時因為諗唔到寫乜,需要去搵唔同嘅題材,所需要嘅時間同心機就會比較長。不過有時我都真係會當啲文章係自己嘅回憶,等自己記得曾經發生過嘅乜嘢事同物。

簡繁體


個人分享
Tagged With: , , , , , , , , ,

由細到大係香港返學讀書寫字都係用英文同中文,而中文就當然係以繁體為主!而講真有啲繁體字係比較複雜,筆劃又多,但係中文字本身係像形文字,所以繁體字係由簡單圖案慢慢演變到今時今日嘅中文字。而其實每個字都係有好多意思係後面,所以唔可以咁輕易就話要用簡體字去取替。講真我真係唔明,因為有時啲簡體字真係無咗原本個意思,估都估唔到原本個繁體字係乜。