基本功

「分析」

數學係很重要嘅一環,但係好多生活上同商業上嘅知識係不可缺少。要知道點樣將數字串起嚟先可以翻譯成一個故事。要精通嚟門藝術好多時都要從自身出發,原因非常簡單,因為你生活嘅每分每刻都係度產生緊唔同數據。如果你想鍛鍊出一身「絕世武功」首先要將基本功打好。唔好識少少就以為「身懷絕技」誤導其他人!

圖像化

「數字」

做數據分析,每日最多見到嘅一定係啲數都數唔晒嘅數字。要係啲數字入面去搵有用嘅部份係十分之難。嚟個數字遊戲真係唔容易玩。就算俾你搵到啲有用嘅嘢,要好有系統性咁表達出嚟亦都係另一個難題。因為要三言兩語去用數字講到個故事俾其他人完全明白同理解係要有一定嘅技巧。

黑白俠

「黑俠」

每個行業都有黑與白,「數據分析」界亦都係一樣。當數據被扭曲同不當地使用嘅時候,佢嘅殺傷力往往令光明閃亮真實嘅事情特然變得暗淡無光!我會統稱嚟類人叫「黑俠」。佢哋其實有少少似「魔術師」!點解?因為佢哋好叻用「掩眼法」去令「白變黑」,「黑變白」,佢哋亦識得運用圖表去制造幻覺。舉個例子,如果你尋日賺一蚊,今日賺兩蚊,佢哋唔會話你聽你今日淨係賺多咗一蚊,而係你今日做得好好,因為你今日比尋日賺多咗一倍!妙極秒極。。。

懶專業

「專業」

數據分析係一個新興嘅行業。近年先慢慢係香港發展。回想起五年前,香港真係冇人知我哋做嘜。真係可以十隻手指數晒香港嘅專家。做數據分析要有多方面嘅技能,唔係識少少 Google Analytics,Google AdWord,考幾張 Online 證書,上一兩個 Course 就叫專業。

數據毒


數據哲學
Tagged With: , , , , , ,

「上癮」

由好多年前開始接觸數據就發現可以用係好多唔同嘅地方。或者自己係唔同行業都有少少經驗,所以覺得當知識加數據係天衣無縫嘅組合!真係打不死!由其當好多人唔認同你嘅講法嘅時候,數據往往助你一把。數據化咗理論,經驗都變得科學化同有說服力!嚟啲係毒癮嘅開始!