雨過後

今日係雨傘運動嘅一週年,相信好多人都唔會忘記嚟一日。對於香港嚟講,係一個歷史嘅日子。其實到咗呢刻我都唔係太相信香港政府竟然係一年前出動防暴警察去驅趕手無寸鐵嘅市民。而經過咗七十九日嘅雨傘運動,香港人最後得到啲乜?其實係政制上冇乜大嘅改變,就算最後政改因為建制派嘅蝦碌事件導致無法通過,好多香港人其實仲未醒覺。當然會唔會再有同樣嘅抗爭?我諗好難再有咁嘅機會。

七月一

唔經唔覺香港已經回歸咗十八年!所謂嘅五十年不變係唔係真係無變過?如果你問我,我會同你講變咗好多!就算只係返咗嚟好幾年,但係已經感受到個變化。雖然話自己都係內地生活過五年,但係香港始終係香港,係應該有自己獨特之處。香港原本有嘅優勢慢慢流失,而一個健全嘅社會係應該有多元化嘅發展。不過回歸之後就樣樣嘢都一步一步倒退。

豬一樣

我真係好少會連續兩日寫類似嘅嘢,不過真係太好笑,所以再寫多篇。我重複睇咗「政改」表決段片好多次,真係睇咁多次笑咁多次!點解嘅?真係㗎?裝越位都唔識裝,真係輸波係有奶油!「建制派」今鋪真係聰明反被聰明誤!重要低智能咁不斷澄清,真係算吧啦!千年道行一朝喪,唔知支持佢哋嘅人會唔會「票債票償」!有票真係唔要嘅超經典示範!今次完全係技術性嘅出錯!

一百日

「算帳」

嚟個政府真係好識計數,次次都係陰陰濕濕咁做嘢。當「雨傘運動」啱啱過咗「一百日」,佢就即刻開始第一波「預約拘捕」算賬行動,「秋後算帳」。原因好簡單,因為聽日佢哋就會係立法會開會嘅時候就啟動政改第二階段諮詢公作。林鄭月娥將會係立法會宣讀聲明,啟動為期兩個月嘅政改諮詢。如果個個議員俾你拉咗,係唔係會易啲通過方案?