監警會

其實監警會做啲乜?佢實質有啲乜嘢嘅用途?做完份報告真係可以平息香港市民對警隊嘅質疑?一份審視有16章過千頁嘅報告,究竟講啲乜嘢?基本上全部都係廢話,完全唔覺得中立,而且就算知道問題有點?到最後都只係一份報告!就好似報告中提及上年7月21日元朗站事件,「警方多次錯失情報及澄清機會,引發警黑勾結的指控,但強調警司與白衣人交談及輕拍肩膊,具有充分理由。」失情報及澄清機會?警司與白衣人交談有充分理由?

管理層

點解海洋公園會搞到今時今日嘅局面?好唔容易先至捱過逆境,有好嘅盈利,有好嘅團隊,但係點解要換走一個咁做得嘢嘅主席?其實大家應該最記得係盛智文嘅年代,因為好多新嘢都係佢接管嘅年代創造出嚟,就好似萬聖節嘅「十月全城哈囉喂」。而好多嘅獎項都係盛智文年代所獲得,包括國際遊樂園及景點協會博覽會(IAAPA)頒發頂尖榮譽大獎「2012 Applause Award」(全球最佳主題公園),成為首座亞洲主題公園獲得嚟個大獎!

派口罩

政府宣布將會向全港700萬市民派發免費可重用的口罩,名為「銅芯抗疫口罩」。市民只需要上網登記,之後當局就會派人將口罩送上門。政府亦會同時向市民派發3000萬個一次性口罩,首批將於6月底透過香港郵政,每戶派發10個。「銅芯抗疫」口罩係由香港紡織及成衣研發中心研發,符合ASTM F2100的標準,清洗後可以重複使用60次,換濾芯後更可長期使用。

大搜捕


個人分享
Tagged With: , , , , , , , , ,

係唔係因為近日嘅武漢肺炎嘅疫情有所放緩,所以無嘢搵嘢嚟做,開始翻舊帳。如果要翻舊帳,點解淨係翻反對你啲人呢?今日應該係修例事件以來最多民主派嘅人士被拘捕!如果係咁,不如你拘捕所有參與過遊行嘅人啦!其實邊個出糧俾你哋嘅呢?係我哋每一個香港人!唔好成日將法治掛係嘴邊,只因為你哋被授權去執法,如果得唔到認同又有乜嘢用?唔好咁厚面皮啦好唔好?

被監控


個人分享
Tagged With: , , , , , , , , ,

數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。