中伏了


個人分享
Tagged With: , , , , , , , , ,

其實之前都有好多人討論過嚟個問題,大家大鑼大鼓咁去申請政府嘅基金或者自助。其實真係無想中咁易!要搵政府錢真係只會浪費時間。就好似「遙距營商計劃」,大家都一窩蜂咁去申請,好多公司急急咁申請做認證供應商,搞完就忙於吸客,忙出報價,仲要個客搵其他公司報價。個個都諗就算唔申請晒三十萬都起碼申請做一個十萬嘅項目啦,但係搞完而家點?

六一二


個人分享
Tagged With: , , , , , , , , ,

因為乜嘢原因搞到香港今日咁亂?一年前嘅今日,香港將經歷咗無數嘅催淚彈,橡膠子彈同布袋彈。亦都因為一條逃犯條例搞到香港爆發大規模嘅示威,同時警方使用過份武力去驅趕示威者,引致大規模嘅衝突。最離譜嘅就係當日嘅衝突一度被政府定性為「暴動」,民怨爆發再觸發其後嘅大遊行。一年過去,無數嘅衝突,無數人被捕,無數嘅不公平,不公義嘅事情依然不斷發生。

移民潮

香港係八九十年代曾經出現過移民潮,由其經歷咗天安門事件之後,更加多人對回歸後嘅香港擔心。擔心嘅都係自己下一代嘅將來!要去到一個新嘅環境,要適應新嘅生活真係談何容易。當然現今世代好多人都係外國讀書同長大,加上外出旅行比起以前更加容易。所以大家都知道乜嘢地方會適合自己,雖然去旅行同長期居住係嗰個地方好唔同,不過最起碼去過,了解過當地嘅風土人情先啦!

政府錢

因為疫情嘅緣故政府推出咗好多唔同嘅舒緩措施,今個月好多人都忙於「遙距營商計劃」。當然係現時嘅市場情況下,大家都會覺得係一個難得嘅機會,不論服務供應商又好,想用政府資助嘅企業又好,都係想睇下點樣可以拎到政府嚟舊錢。當然推出之前已經有好多公司走出嚟話自己已經係供應商,又話可以幫手申請個計劃。原因好簡單就係想分嚟舊「肥豬肉」!

撐港台

政府近日接二連三咁打壓香港電台!除咗早前收回教育電視大樓之外,早前因為港台節目《頭條新聞》播出諷刺警方執法嘅內容而屢遭投訴,通訊事務管理局亦都因此作出調查。2 月14 日播出嘅《頭條新聞》收到超過 3300 個嘅投訴,而今日通訊局經過調查後,認為《頭條新聞》污衊同侮辱警方,資料不準確,未能係個人意見節目中表達多方面意見,裁定投訴成立。所以向港台發出警告,敦促要嚴格遵守《電視節目守則》。