女仔名


個人分享
Tagged With: , , , , , , , , ,

其實改名真係唔係一件容易嘅事,又要顧背後個意思,又要夾時辰八字,今次難度再高啲就係希望同郭大少個名有間係。有啲人會揀中間個字,有啲人就會揀最尾個字,而我哋就傳統啲揀中間個「希」字。而因為郭大少係「太陽」,所以郭千金咪係「月亮」囉!哈哈,咁如果有第三個就肯定叫「星星」,集齊一套。不過嚟個就一定唔會發生。好啦咁郭千金最後中文名係乜?就係叫「琋月」!

扮鬼臉

相信每個小朋友都會扮下鬼臉,當初郭大少未出世嘅時候一齊係度諗佢個英文名叫啲乜嘢好。我哋好無聊咁隔住個肚問佢,不過到最後我哋兩公婆決定等佢出咗世之後睇下佢個樣先至再決定。依家佢個英文名真係襯晒佢,因為佢而家越嚟越多古靈精怪嘅表情。真係人呼其名,無改錯名。再唸番之前我哋有嘅選擇,依家真係覺得佢同個英文名一模一樣。完來真係要睇到樣先知道佢乜嘢名。

中文名

前個排先至搞掂個仔個英文名,但係我同老婆一直仲未改好郭家大少個中文名,原因係想等師傅睇完佢個時辰八字之後先至睇吓乜嘢字先至啱佢。而較早前我哋已經將一啲我哋鍾意嘅字俾師傅睇,但係好多都唔啱個仔用。之後師傅亦俾咗啲字我哋揀,但係唔係淨係玩五行咁簡單,重要睇下嗰兩個字嘅筆劃同掛象。搞咗成個禮拜,最後得返幾個我哋鍾意嘅音同字。

叫咩名

唔好意思,今日都仲係講我個仔。希望唔會悶親大家啦!真係估唔到個仔咁就出咗世三日,果然真係時間過得好快,啲嘢都嚟得好快!好多嘢基本係冇時間去諗,快手快腳做完佢。不過係醫院幾日,聽到唔同嘅個案,而家諗返,最終老婆揀開刀都唔係一件壞事。因為好多嘢都可以係控制範圍入面,而要面對嘅風險好似比較少。依家就當然放心晒啦!

改仔名


個人分享
Tagged With: , , , , , , , , ,

「中文」

其實我同老婆煩咗好耐個仔叫咩嘢名好!當初一路凈係諗女仔名,所以無諗過男仔名!改中文名真係有啲難度,好怕改錯名。改錯咗,俾啲仔女怨就唔好啦。講真女仔名好似易改啲,事關我同老婆好快諗好咗,但係個仔就諗嚟念去都諗唔到!就算查完字典都係企咗係度!不過我哋都有啲鐘意嘅字,遲啲再諗諗。