毛管戙

「叱吒」

唔知有冇人諗過係一個香港嘅音樂頒獎典禮,除咗主流嘅音樂之外,其實仲好以俾我哋一班小市民去發聲!正如何韻詩係台上面講『2014年,係香港經歷最大轉變嘅一年。喺一個從來只有權貴可以發聲,從來充滿潛規則嘅地方,雨傘運動由年輕人去證明咗,原來嚟到呢個新年代,每一個人都有表達自己,用自己嘅方法去發聲嘅權利。我地唔再需要別人去為我地提供舞台,我地發現,只要係有人民嘅地方,我地就可以創造出屬於我地每一個人嘅舞台。』係度多謝「叱吒」嚟個咁包容嘅舞台!

港創意

「藝術」

每次去到唔同嘅集會地方嘅時候,都被濃厚嘅藝術氣息所包圍。 或者以前自己都算係個藝術家所以見到唔同嘅作品都好興奮。大家用唔同嘅風格去記錄低今次嘅運動。通常嚟啲作品都係「一瞬即逝」,當個展覽場地被「一掃如空」嘅時候,佢亦跟隨消失。所以每次去到都盡量用相機去留底。最興幸嘅係仲可以係香港見到咁高質素嘅作品。香港唔係應該咁嘅咩?點解要係呢啲時候先見到佢哋?其實答案心中有數。

港創業

「模式」

有啲「人」話整個運動咁有秩序係有人幕後支持,其實佢哋有乜資格去作評論呢? 黃岳永係一篇文章「雨傘中的 IT 管理學」講到個活動「敏捷方式」Agile Methodologies 管理法。 我都十分認同,不過我自己覺得好似「Crowd Sourcing」,「Crowd Funding」嚟類嘅營運模式多啲。最令我佩服嘅係佢嘅運作模式同運用咗好多免費資源。全部物資都係一點一滴慢慢咁累積返嚟。

棟篤笑

「每日」

之前睇完教主嘅「棟篤笑」其實我諗好多人都會好似教主咁,唔知過咗今晚聽日香港會點。我之前都寫過吓最近瞓唔着。正如教主所講「嗰晚睇住電視」,「佔中,我即刻諗,我應該做唔成喇呢次,因為好難講,當件事爆發得好大嘅時候,然後我每晚都預咗聽晚冇得做,呢個唔係一件好得意嘅事,因為每晚都有啲事發生,每晚都可以件事發生大到係我冇得做。」

非暴力

「雨傘」

其實我唔係太明一把遮點解會係一件武器?唔通我哋係黃飛鴻?又或者百佳黃老太?如果係咁,以後落雨帶遮同帶槍係咪無分別?咁我相信啲警察將會好忙,因為次次打風落雨都要逐個市民去查吓!因為個個帶攻擊性武器出街。我建議大家以後要好似細細個嘅時候咁,著雨褸返工放工!真係超荒謬!可以講得出口先好嘢。即係咁,如果你唔係暴力去搶,起勢咁衝埋去同一定要攻擊到啲平民嘅話又點會整親呢?