貓之日


個人分享
Tagged With: , , , , , , , , ,

係我未認識我老婆之前,其實從來都無養過貓。細個淨係記得屋企有龜,雀仔,金魚同狗仔。當然唔同嘅寵物有佢哋自己嘅特質同個性,而係香港我覺得養貓會比較識合。因為佢哋自理能力比較高,但係當然唔係話你可以完全唔需要理會佢,只不過你會唔會日日有時間同狗仔落街散步,跑步?但係講到尾,養任何寵物都應該要負責任,唔好因為一時衝動。

好鬼攰


個人分享
Tagged With: , , , , , , , , ,

搬屋真係一件好鬼攰嘅事,係咁執嘢,係咁入箱,係咁封箱,係咁搬嘢,之後又係咁開箱,係咁執嘢。過去嗰幾日我同老婆真係命都短幾年。除咗執屋之外,仲要搞郭大少嘅係佢飲食。唔知點嘅最近好唔聽話,係咁要人抱,變咗隻樹熊,一直攬實你。如果唔係就係咁發脾氣,係咁喪喊,搞到老婆無得執嘢。唔知係唔係因為新環境,所以未習慣呢?

狂執嘢


個人分享
Tagged With: , , , , , , , , ,

唔執唔執都係要執,因為就要搬屋但係一直都唔想去執。越接近搬屋就越唔捨得而家住緊嗰度,因為自己由細到大都係住係港島東。今次真係第一次搬去新界區,但係為咗老婆同個仔,當然希望比一個大啲同舒服啲嘅地方俾佢哋生活。不過搬屋真係好痛苦,執嘢走人真係執到人都癲。得番幾日時間當然就係全天候係屋企將啲嘢入箱,雖然好多嘢係預咗要搬唔洗執,但係始終都有好多嘢要整理。

搬屋去


個人分享
Tagged With: , , , , , , , , ,

「空間」

係香港,居住環境係最令人頭痛嘅地方,因為活動空間實在太細,而俾小朋友活動嘅地方基本上同外國係有天淵之別。如果你問我當然係希望自己個仔有多啲活動嘅空間,而係唔係無條件去外國生活,其實又唔係。不過依家好多嘢都係香港建立咗,一時三刻都未必可以話走就走。所以都係搵屋搬咗先,等老婆同郭大少又多啲活動空間。不過依家搵屋真係頭都大!睇嚟睇去都無間啱心水。