假日車


個人分享
Tagged With: , , , , , , , , ,

其實香港好多車都係假日車,除咗假日同大時大節之外,嗰啲車真係只會泊係停車場。如果真係計日日揸嘅車,其實又會有幾多?會唔會得返註冊咗嘅一半?所以有好多車出咗幾年,行車里數十分之少,而最大機會嘅係因為架車係假日車。當然係香港有車係方便啲,尤其有小朋友嘅家庭,有時想去遠啲嘅地方都相對比較容易,而且小朋友同大人亦都無咁辛苦。

迴旋處

當然唔係個個都識揸車,就算有啲識揸車都未必日日揸。但係只要你揸過車嘅話都應該一定會經過迴旋處,只不過香港真係有啲奇怪,事關香港有兩種迴旋處。你知唔知道香港有一種迴旋處佢就叫做傳統式嘅迴旋處而另一種就叫做螺旋形迴旋處。咁兩者有乜嘢分別?點解揸咗咁耐車嘅人都唔知點樣正確使用迴旋處?其實兩者都真係有少少唔同,不過好少人會留意。

棍波車

有啲人一聽到棍波車就已經耍手擰頭,原因係覺得揸車已經夠多嘢去兼顧,重要顧及過離合器去轉波。而每當塞車嘅時候又覺得好麻煩,所以好多人就算識揸棍波車都唔會選擇去揸。當然揸車應該係一種享受,而唔係一種折磨。當然現今嘅科技發達,自動波箱越來越先進,只不過就去越多電子嘢就越容易壞。有某啲品牌嘅自動波箱出咗名易壞,買車就好似買大細咁,好彩嘅到你賣嘅時候都唔會壞,唔好彩嘅就經常壞!

累死人


個人分享
Tagged With: , , , , , , , , ,

作為一個駕駛者,揸車嘅時候都真係要一眼關七。唔夠瞓嘅時候,或者因病食藥都要留意自己嘅精神狀態,如果唔係真係好容易發生意外。而係香港,好多時比較嚴重車禍都係因為啲的士,小巴同貨車。當然我唔係歧視佢哋,但係搵食還搵食,你搵命博唔緊要,但係唔好害咗人哋。講真嗰啲車本身安全已經唔係好高,所以一有乜意外都會釀成嚴重傷亡。

下雨天

當然呢個世界嘅自然定律係一定會落雨,因為唔落雨就無淡水,而無淡水人係好難生存。但係我真係好憎落雨!除咗濕濕笠笠之外,個天成日灰灰沉沉,令成個人都好似冇乜動力咁,有時連心情都俾天氣影響埋!所以我唔係好適合住係啲見唔到陽光嘅地方。今個星期落足七日,仲要放假都係咁落,想點呢?幾時先雨過天晴呀?