入閘啦

相信好多人都好關心究竟曾俊華同胡國興夠唔夠提名票入閘參選特首。三月一日就係特首選舉提名期嘅最後一日,因此係嗰日之前要得到一百五十名選委提名先至有機會去參選。當然林鄭月娥得到一大班建制派支持所以好早就已經得到所需要嘅提名票。當然提唔提名係選委嘅選擇,所以提名期只係一部份人將會投票嘅意向。而如果按照目前嘅提名,應該已經超過六百個選委已經表態。當然最終都要到選舉當日先至知道最終嘅結果。

選管會

香港擁有嘅民主自由真係慢慢被侵蝕,而今年嘅立法會選舉就更加明顯。自從之前嘅區議會選舉之後,好多人都會認為係立法會選舉嘅前哨戰。所以當出現咁多嘅不明朗因素,今次嘅立法會選舉政府當然會有所舉動。當然好多官員都會提及本土或者港獨等等嘅言論,其實每個地方都有唔同聲音,而咁高調批評反對聲音就好明顯想壓制個班人!