攻防戰

唔知大家有冇留意琴日嘅一場關公大戰。事緣係某份報紙將兩大相機品牌掉轉咗,因此掀起網絡熱話。而兩大品牌互相對壘,各自抽水。當然今日個份報紙重新出返一份正確嘅新聞稿,但係兩大品牌背後嘅高手過招真係十年難得一見。今次嘅事件真係可以被定性為關公攻防戰。非常精彩,同華山論劍真係可以相提並論。

我又抽

見大家抽得咁開心,等我又抽下水先!不過唔好打頭!嚟幾日大家都喺度討論緊「Snickers」個新抽水廣告:「十做九錯 全因肚餓?!」。當然係香港嚟個地方,好多公司都會周不時抽吓水。但係抽中就話啫,如果唔係一個唔覺意抽錯嘅話,後果唔單止影響品牌之外,之後要處理佢都幾煩。所以抽水同買大細一樣,一係就贏,一係就輸,或者通殺!