課金啦


個人分享
Tagged With: , , , , , , , , ,

當然今時今日打機都係上網打,而沉迷打機嘅年輕人真係有好多。要打造一隻可以令玩家不斷課金嘅遊戲其實係一件好難嘅事,因為好多遊戲都只係興一段好短嘅時間,真係可以話係壇花一現!當然點解要課金係一門學問,而好多遊戲開發商都係靠用家嘅數據去設定遊戲嘅難易度,令遊戲嘅壽命可以延長,甚至了解玩家嘅行為而用唔同嘅手法希望佢哋課金。

港電競

相信好多人都會話打機打得多無益,其係又錯唔晒。不過其實有研究指出其實適當打機係有助小朋友嘅成長。只不過有幾多人知道而家有一種行業真係靠打機為生?而且遊戲產業嘅市場相當龐大,近年亦都因為智能手機嘅出現令到遊戲開發嘅成本大大降低。不過要有一隻家傳戶曉嘅遊戲就真係好難!係世界各地都開始興起電子競技,而韓國目前被認為係電子競技最強嘅國家!

打機啫


個人分享
Tagged With: , , , , , , , , ,

「打機」

以前經常性聽到話有啲人打機會將成副身家咁拎去買一啲好虛擬嘅嘢。老實講其實點解啲人可以用幾千蚊甚至乎幾萬蚊咁玩一隻遊戲呢?我真係諗都諗唔明。就算我去買一隻遊戲最多都係幾百蚊,仲可以玩好耐。都係果句,玩遊戲啫,唔駛咁誇張呀?不如留返啲錢食咗落肚,或者做其他嘢好過啦。如果有日隻遊戲關門大吉,到時真係化為烏有!

去機鋪


個人分享
Tagged With: , , , , , , , , ,

「打機」

我相信好多時下嘅小朋友都應該無去過我哋所謂嘅電子遊戲機中心,因為依家大部份嘅小朋友打機都應該係屋企打,甚至乎拎住部手機就已經可以行到邊打到邊。但係以前我哋要打機真係只可以去機舖先至有得玩,邊樹有依家啲小朋友咁幸福。當然打機嚟個文化唔係淨係香港先有,不過因為依家打機實在太方便,所以啲機舖真係執下一間,執下一間,遲早真係會絕跡。

低頭族

「手機」

曾幾何時我或者都係一個低頭族,但係現今嘅細路點只係低頭族咁簡單,直頭好似無咗部電話會死咁樣。點解啲人可以一路行全程耷低頭望都唔望吓周圍嘅環境。有時離譜到撞到人都可以若無其事,掂行掂過,好似同外界完全分離咁。講真唔係唔話唔用得電話,只不過可唔可以唔好係啲人多擠迫嘅地方度淨係望住部手機呢?

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。