六一二


個人分享
Tagged With: , , , , , , , , ,

因為乜嘢原因搞到香港今日咁亂?一年前嘅今日,香港將經歷咗無數嘅催淚彈,橡膠子彈同布袋彈。亦都因為一條逃犯條例搞到香港爆發大規模嘅示威,同時警方使用過份武力去驅趕示威者,引致大規模嘅衝突。最離譜嘅就係當日嘅衝突一度被政府定性為「暴動」,民怨爆發再觸發其後嘅大遊行。一年過去,無數嘅衝突,無數人被捕,無數嘅不公平,不公義嘅事情依然不斷發生。

不變的

好多人話經過咁多年,大家只係用同一種方式去爭取,用同一種方法去平反,其實都係冇用。當然方法係可以改變,但係承傳就更加緊要。歷史係用文字去記錄發生咗嘅事同物,等下一代係歷史當中了解人類嘅成與敗。但係當一個國家意圖或企圖篡改歷史,否認歷史,打壓尋求真相嘅人,咁就算國家有幾強大幾發達都好,永遠都會有一個歷史污點,永不磨滅。

撐港台

政府近日接二連三咁打壓香港電台!除咗早前收回教育電視大樓之外,早前因為港台節目《頭條新聞》播出諷刺警方執法嘅內容而屢遭投訴,通訊事務管理局亦都因此作出調查。2 月14 日播出嘅《頭條新聞》收到超過 3300 個嘅投訴,而今日通訊局經過調查後,認為《頭條新聞》污衊同侮辱警方,資料不準確,未能係個人意見節目中表達多方面意見,裁定投訴成立。所以向港台發出警告,敦促要嚴格遵守《電視節目守則》。

容不下

「文字」

唔知幾時開始,香港連幾隻字都容不下?好一句「我要真普選」就令大部份嘅人覺得好礙眼。連一個橫額都容不下嘅社會仲講乜嘢言論自由?就連自己屋企隻窗都唔黏得,咁不如新年大家唔好黏揮春啦!首先我本人係唔支持「法輪功」,但係我想問吓點解「法輪功」啲橫額仲可以係街上面掛囉。新華社聲明:「法輪功反對中國共產黨和中央政府,追求理想主義、有神論和封建迷信」。唔通「我要真普選」已經變成一個十惡不赦嘅宗教?