小丑鐘

如果你係八十後而你細個嘅時候又曾經去過吉之島,你應該記得嗰度有個小丑鐘,而每個鐘頭佢都會報時。當然佢有佢嘅特別之處就係報時嘅時候佢會播音樂,同時個鐘上面嘅小丑就會起身拉動手掣,之後係個鐘入面就有好多唔同嘅精靈走出嚟。亦都因為咁,好多人都會為睇佢而特登嚟康怡廣場嚟間吉之島。而小丑鐘亦陪伴咗我一個好快樂嘅童年,事關我係康怡花園長大,所以經常係嚟緊吉之島!

零距離


個人分享
Tagged With: , , , , , , , , ,

今時今日嘅社會,科技發達,人與人嘅溝通再唔係好似以前咁,而家連打個電話都懶,係咁意發個短訊俾朋友就搞掂!亦都係因為咁,大家基本上無時無刻都可以搵到對方。甚至因為可以知道對方有冇睇到訊息,而引起不必要嘅誤會。但係當然因為科技嘅發達而令到我哋係網絡上面可以搵返一啲失去咗聯絡好耐嘅朋友,有啲甚至係童年知己。所以真係唔知係好事定壞事!

張國榮

「哥哥」

今日係哥哥離開我哋第十二年嘅日子!相信好多人仍然會懷念佢!一如已往,大家都會去到佢離開嘅地方送上鮮花,記念呢位巨星!雖然已經過咗十二年,但係大家都記得每一年嘅四月一號!就算去到韓國,係的士上面聽到電台播哥哥嘅歌曲嘅時候,你可以知道哥哥係其他國家亦有不小懷念佢嘅歌迷!

港懷舊


個人分享
Tagged With: , , , , , , , , ,

「回憶」

香港其實有好多歷史,不過慢慢好似俾時間巨輪吞噬。又或者嚟啲香港特有嘅嘢不經不覺俾科技取代咗。以前去飲茶係推車仔,有好多好食同唔同款式嘅點心。以前無電腦,大家會落屋苑公園玩。以前士多有好多得意嘅嘢食,但係依家得七仔。以前一條繩,一張紙,一舊擦子膠都可以玩一餐。其實仲有好多好多嘢都好懷念。