今日係「情人節」亦都係「懲人節」因為「七警案」終於有裁決！七名警員涉及佔領期間係添馬公園嘅變電站暗角位置，毆打公民黨前成員曾健超。法官今日係早上宣讀裁決，裁定各被告有意圖而導致他人身體受嚴重傷害罪名不成立，但係較輕嘅襲擊致他人受傷控罪則全部罪成。而第五被告陳少丹另亦被裁定普通襲擊罪成，各人須還押。法官聽取各人求情後，將於周五早上判刑。