二十年

其實點解香港每年都要慶祝回歸?慶祝咗二十年點解仲要慶祝?要香港人記得同面對香港已經回歸中國嚟個事實?定係要年輕一代記住香港永遠都係中國?點解係五十年不變,唔係二十五年或者一百年不變?點都好,香港曾經係英國嘅殖民地嚟個係事實,香港係中國嘅其中一個城市亦都係事實。無人可以推翻歷史,只不過真係有必要每年都要慶祝回歸嗎?究竟要慶祝幾多年先至夠呢?

三週年

三年前嘅今日,我哋由兩個陌生人變成夫妻。眨下眼又一年,而過去一年大家嘅重心都放咗係郭大少嘅身上,二人世界嘅時間變得越來越小。當然無諗過一個小朋友會帶嚟嘅改變係咁大!莫講話可以安安靜靜咁坐低食餐飯,就連可以傾計嘅時間都好少,事關忙完一日大家都已經筋疲力竭。所以而家可以兩個人一齊去享受下都真係一件幾難能可貴嘅事。

放煙花


個人分享
Tagged With: , , , , , , , , ,

係回歸之前,我印象中,每年淨係農曆新年香港先至會放煙花。所以可以影煙花嘅機會真係好少,不過依家香港每年都至少放三次煙花,所以可以影煙花嘅機會就多咗。以前每年我都會去尖東海旁影煙花,尤其係農曆新年,但係四年前嘅今日,突然之間同老婆講唔去影國慶煙花喇。點知嗰年就發生咗南丫海難嘅慘劇。自此之後,我亦都無再去影國慶煙花。

五年啦


個人分享
Tagged With: , , , , , , , , ,

時間真係過得好快,唔經唔覺已經同嚟個人一齊五年。真係好快!由當初一齊讀書,影婚紗相,直至結婚,到渡蜜月,再有咗郭大少,跟住出咗世一年。基本上每一年都有唔同嘅事情發生。真係好慶幸有一個人同我行咗嚟五年嘅艱苦旅程。當然有開心同唔開心,但係我仲好記得第一次認識你,我哋有幾咁合拍。好希望我哋嚟個旅程唔止係五年,而係好多好多個五年!

去蘇梅


個人分享
Tagged With: , , , , , , , , ,

去蘇梅之前其實做咗好多資料搜集,但係搵嚟搵去真係無乜有關蘇梅嘅資料。或者因為真係一個度假嘅地方,所以大部份嘅人唔係去海灘就係留係酒店。當然另一個重要嘅議題係要帶埋郭大少一齊去蘇梅,而當地真係好少嘢啱小朋友玩。到最後都係諗住去到蘇梅再問下當地嘅酒店,睇下有乜嘢提議。當然難得一場嚟到蘇梅,就梗係希望去睇下當地嘅風土人情啦!