等升職


個人分享
Tagged With: , , , , , , , , ,

不論一間公司係大定細都好,其實都係一個金字塔!而慢慢每個打工仔都會發現自己可以向上游嘅空間會越嚟越細。嚟個係一個無可避免嘅現實,只不過大部份嘅打工仔都依然希望有晉升嘅機會。只不過越接近金字塔頂,所需要嘅能力係有啲唔同,因為所兼顧嘅嘢再唔係一板一眼嘅功夫。當然每個老闆嘅要求都唔同,而有啲員工以為自己做得夠耐,晉升嘅機會會比起講入公司嘅高。只不過嚟個係一個一廂情願嘅諗法!

有可能


個人分享
Tagged With: , , , , , , , , ,

好多時做人做事都要有一個正面嘅態度,如果樣樣嘢一開始就已經抱住玩玩下嘅心態,又或者覺得無可能做到嘅話,其實從一開始你就已經無可能成功!如果你睇返人類嘅歷史,通常啲人話唔得嘅嘢通常到最後都係顛覆社會嘅嘢。所以所有嘢都係有可能發生,只要相信自己嘅能力,不斷嘗試,唔好放棄,就算到最後失敗,都唔緊要。因為係過程中你會有唔同嘅得著,而失敗係成功必經嘅階段。

開心嗎


個人分享
Tagged With: , , , , , , , , ,

究竟乜嘢會令你開心?每個人都有唔同嘅標準,唔同嘅睇法。有時真係簡單啲,天真啲,亦都唔係一件壞事。人生不如意嘅事十常八九,點樣面對好視乎個人處事嘅態度。太過執著,太過介懷,太過堅持,太過在意,有時未必係一件好事。只要身邊嘅人開心其實做乜嘢都已經無所謂,因為無嘢緊要過同你同甘共苦嘅人,同你共患難嘅人。

做多啲


個人分享
Tagged With: , , , , , , , , ,

其實而家嘅年輕人好多都唔會做多啲,有時分別就係在乎態度,唔係下下要人話俾你聽點樣去做,有時要諗多啲,睇係點樣可以令公司好啲。公司有發展自己自然有發展,而機會係自己爭取唔係話坐係度就有。下下淨係問幾時升職加薪,老實講依家真係唔係睇年資,而係究竟你會唔會做多啲。但係依家好多人打工都會埋怨嚟樣嗰樣,但係又唔諗下點可以解決,唔通下下真係轉工咩?

生無常


個人分享
Tagged With: , , , , , , , , ,

「人生」

好多時我哋都會講人生無常,但係幾多人真係明白固中嘅意思?人生本身就係來也匆匆去也匆匆,何必執著一啲虛無飄渺嘅嘢呢?如果你無經歷過大起大跌,無去體驗其他地方嘅風土人情,其實講真係幾難明箇中道理。而當你明白嘅時候又可能已經泥足深陷,無法自拔,或者甚至乎去到人生嘅盡頭。所以話凡事睇開啲,人都精神啲。活在當下,珍惜眼前嘅一切。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。