放閃日


個人分享
Tagged With: , , , , , , , , ,

其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃!

去拍拖

唔經唔覺已經係第五個年頭,時間真係過得好快。仲記得上年老婆無啦啦講話唔好送花俾佢,話嘥錢。不過轉過頭話無花收,有啲唔開心。所以今年當然要買返紮花俾老婆啦。我不嬲都幫襯開尖沙咀某間花店,因為佢哋價錢唔會坐地起價,而且服務同質素都有保證。點知今日蝦碌咗,將我同另外一個客戶嘅花調轉咗。好彩佢哋舖頭近我食飯嘅地方,佢哋即刻整個紮俾我。如果唔係我殺人都似!

煎和牛


個人分享
Tagged With: , , , , , , , , ,

「和牛」

日本飼養嘅和牛,對飼料同品質控制係非常嚴謹!每隻和牛係出生嘅時候就有一張證明書嚟證明佢哋嘅血統。出世之後,和牛就以牛奶、草及含蛋白質嘅飼料飼養。有啲牧場仲會請人幫啲牛按摩同俾啤酒佢哋飲,咁做係希望令肉質更加鮮嫩。當係潮濕嘅季節亦有效幫助啲牛消化,增加飢餓感。按摩可防止牛肌痙攣,對於牛嘅活動空間比較細嘅農場係非常適用。

情人節

「準備」

嚟幾個星期都忙到爆咗,真係做到有氣冇掟唞。都唔好話訂枱食飯,連買花都好衝衝忙忙飛去買。不過點都好,最緊要係今年除咗係結婚之後同老婆過嘅第一個情人節之外,亦都係同我哋個仔一齊過嘅第一個情人節。過最後一個二人世界嘅情人節!