賺到盡


個人分享
Tagged With: , , , , , , , , ,

話說啱啱年頭先至由港島東搬咗去青衣,咁啱遇著長發街市因為領展將營運外判咗俾建華而擺市。當然擺市期間有好多事情發生咗,包括無啦啦唔知係邊樹走一班人出嚟賣嘢,而我亦唔知點解真係會有人幫襯嗰班人!與此同時,建制派又好鬼厚面皮咁走出嚟話抗議,唔通佢哋思覺失調?直至早幾日建華發出最後通牒要啲商戶九月底離開!

撐罷市


個人分享
Tagged With: , , , , , , , , ,

作為一個會買餸煮飯嘅人嚟講,識買嘢嘅就當然會去最附近嘅街坊街市去買!事關除咗乜都有之外,價錢嘅性價比真係超讚!更重要嘅係大部份嘅人都好好,服務態度一流,如果買得多,熟絡咗嘅話,真係會吹多兩咀。不過係大型嘅超級市場買到嘅食材通常都會比較貴,而且唔一定靚。所以如果真係會煮飯嘅人通常盡量都會係街市搞掂。除非你想買一啲外國食材,否則街坊街市真係一應俱全!