監警會

其實監警會做啲乜?佢實質有啲乜嘢嘅用途?做完份報告真係可以平息香港市民對警隊嘅質疑?一份審視有16章過千頁嘅報告,究竟講啲乜嘢?基本上全部都係廢話,完全唔覺得中立,而且就算知道問題有點?到最後都只係一份報告!就好似報告中提及上年7月21日元朗站事件,「警方多次錯失情報及澄清機會,引發警黑勾結的指控,但強調警司與白衣人交談及輕拍肩膊,具有充分理由。」失情報及澄清機會?警司與白衣人交談有充分理由?

嘥鬼氣

好多香港人嘅目標就係盡量賺錢買樓供樓,鬼唔知咩!講咗咁多年都係嗰三篤屁,雖然你話唔連任者,但係個施政報告真係可以用交功課嚟形容。將民生嘅設施改建成展覽場地,講真無其他地方可以起咩?點解係要係灣仔?又係度話自己過去四年施政無走數,你估你係奧巴馬咩?人哋就真係無走數嘞!講來講去都唔知有乜嘢真係幫到香港,不過算啦,反正你都就快卸。雖然唔知下個特首係邊個,但係今年嘅施政報告真係毫無可取嘅地方!