無助感


個人分享
Tagged With: , , , , , , , , ,

當你無助嘅時候會點?有時真係有太多問題需要解決,只係無論你幾努力都好,問題不斷重複。有時真係好攰,究竟幾時先至可以安定落嚟。當然有時會問自己究竟為咗啲乜嘢要搞到咁辛苦。如果當日無做咁嘅決定,今日又會唔會有咁嘅問題出現?當然好多嘢無得返轉頭,而當日做嘅決定亦都係基於當時嘅狀況。或者自己太過樂觀,有或者無諗過環境可以變得咁快?而因為當日一個既決定,真係虧欠太多人。

平凡人

其實有時做人點解唔可以平凡啲?平凡有啲乜唔好?以前初出茅廬就會諗點可以有份好工,有個好老闆,快啲升職加薪,同不斷提升生活質素。但係嚟啲淨係用「金錢」同「職位」嚟衡量自己同用嚟比較其他人嘅指標根本就膚淺。我唔係未試過嚟啲生活,只不過就覺得越來越冇意義。因為好多時個人處於高壓狀態,淨係不斷行前衝,其實真係開心咩?