傳統嘅陪月員通常都係女性為主，當然最大原因係男女有別。當然陪月唔係一件簡單嘅事，尤其係面對新手媽媽同爸爸，有好多嘢要兼顧。當中最主要嘅一定係照顧初生嬰兒為主，然後就係日常飲食。因為中國傳統有好多，其中一樣比較重要嘅就係調理身體。所以要做一個陪月員係需要好多知識，最起碼都要知道點樣照顧初生嬰兒，兼且要入得廚房如果唔係點樣可以照顧媽媽嘅起居飲食。

今年有乜嘢目標？如果依家你問我，我諗我嚟刻淨係得一個。就係希望今年可以專注搞好數據分析嘅教育工作。雖然近年已經開始嘗試開辦自家品牌嘅課程，而且係不同嘅地方教書同繼續推廣數據分析，但係進度有啲慢，仍然覺得未夠。要將數據分析普及化，專業化以及得到市場嘅重視，相信仲有一段距離。更重要嘅係要灌輸正確嘅知識同概念！

好多時做巿場推廣，品牌都會顧及自己嘅形象。不過有時自嘲一下真係無妨，就好似「譚仔」同「100毛」合作嘅一條新片。《譚仔有嘻哈》係一套勵志劇？而除咗有粵語同英語之外，仲有譚仔話？吓唔知乜嘢係譚仔話？咁好明顯你無去過譚仔啦！有時品牌係需要大膽啲，當然就算自嘲都有可能係反效果，不過今次譚仔條片真係幾好笑！有時間嘅話不妨睇下笑下！

而家係香港真係越嚟越多所謂嘅親子餐廳同室內遊戲室。當然係香港係有一個好龐大嘅市場，因為香港嘅地方細，可以去俾小朋友玩嘅地方亦都唔足夠。如果天氣唔好嘅話，室內嘅活動場所亦都唔多選擇。所以好多人都睇中嚟過市場，因此越嚟越多人開嚟啲親子餐廳同活動空間。不過相信好快就會出現一個爆破潮，因為突然有太多人進入同一個市場，如果經營唔好嘅話相信好快就會被淘汰！

而家做博客其實真係好簡單，簡單到一個人隨隨便便係網上面寫啲嘢就話自己係博客。好多公司會搵博客去唔同嘅地方參加或者體驗唔同嘅產品，然後就希望博客係自己嘅博入面分享下。當然有啲係有錢，有啲係無錢，亦都有啲係邀請你去某啲私人活動。自問就真係冇做博客嘅條件，寫嘢都係因為個人嘅興趣，想了解文字與數據嘅關係，而最緊要係記錄生活嘅點滴。