黑心肉


個人分享
Tagged With: , , , , , , , , ,

香港作為巴西最大肉類進口商之一,好多唔同嘅超級市場都會出售巴西入口嘅肉。巴西有關當局揭發出口商出售腐爛及含致癌肉類,而涉事嘅肉商經然多達二十一間!好多國家知道咗事件之後都相繼暫停進口巴西肉類,並且將啲貨品扣留係各大港口。根據統計處《香港商品貿易統計進口》顯示,過去三年本港進口巴西嘅凍肉,包括冷藏牛肉,豬肉,羊肉,家禽等,佔所有來源地總入口量約四成。

下一屆


個人分享
Tagged With: , , , , , , , , ,

一連兩個星期嘅奧運話咁快就完結啦,雖然今年香港嘅代表隊無任何獎牌,但係佢哋已經盡晒全力同創造咗好多香港嘅第一次,而我哋都相信佢哋會繼續努力為四年後嘅奧運會作準備。奧運精神唔係在乎輸贏或者獎牌咁膚淺,而係國際奧委會係《奧林匹克憲章》中「奧林匹克主義的原則」條款中所提及嘅:「每一個人都應享有從事體育運動的可能性,而不受任何形式的歧視,並體現相互理解、友誼、團結和公平競爭的奧林匹克精神」。

談奧運


個人分享
Tagged With: , , , , , , , , ,

你一生人有幾多次會係舉辦奧運嘅國家居住?我慶幸暫時遇過兩次,一次係二千年嘅澳洲悉尼,而第二次係二零零八年嘅中國北京。不過唔知點解每次都無入場睇,希望有生之年可以有機會同老婆去睇現場嘅開幕禮。不過依家嘅開幕禮真係好似一個國家展示實力嘅舞台,而好多國家都希望透過舉辦奧運會而帶動到經濟,因為每當嗰個城市會舉辦奧運就必定會大興土木。

細頭症


個人分享
Tagged With: , , , , , , , , ,

寨卡病毒係一種蚊媒病毒,屬黃病毒類型,一九四七年首次係非洲國家烏干達嘅猴子體內發現。而病毒係因為寨卡森林而命名。過去係中非、東南亞等地都有人類感染病例,但情況無今次咁嚴重。最重要係有間接嘅證據顯示,如果孕婦感染係可以引致胎兒患上先天性小頭畸形症,腦部比正常尺寸小。小頭畸形症嬰兒會出現嚴重嘅神經及智能缺陷等,甚至會夭折。