小丑鐘

如果你係八十後而你細個嘅時候又曾經去過吉之島,你應該記得嗰度有個小丑鐘,而每個鐘頭佢都會報時。當然佢有佢嘅特別之處就係報時嘅時候佢會播音樂,同時個鐘上面嘅小丑就會起身拉動手掣,之後係個鐘入面就有好多唔同嘅精靈走出嚟。亦都因為咁,好多人都會為睇佢而特登嚟康怡廣場嚟間吉之島。而小丑鐘亦陪伴咗我一個好快樂嘅童年,事關我係康怡花園長大,所以經常係嚟緊吉之島!