十年的

十年前決定放棄高薪厚職,開始籌備自己公司,用六個月一邊返工一邊準備,希望用十年做自己想做嘅嘢。十年後嘅今日,覺得十年原來比想像中快,快到自己都唔知做咗啲乜,甚至乎覺得比起十年前更加倒退。近嚟五年嘅轉變就更加大,尤其係郭大少出世之後。如果再比我揀過會唔會揀同一條路?十年期限到了,下一步究竟係點?其實近年嘅問題不斷重複,真係有啲攰。放棄,堅持依然係一大個問號。

下一代

其實相信好多人都會察覺到,好多成功嘅人得兩個特質,一種係天才基本上無辦法去做比較,另外一種就係讀書麻麻地但係因為環境而不斷改變,不斷學習,不斷解決問題嘅人。未來嘅世界再唔係只係死背書,考試攞高分就得,好多時我哋都會話高分低能嘅原因係,嗰批讀書好叻嘅人,往往只係讀書叻,但係做人處事其實好多時係職場都表現一般。原因係所有嘢都只係按本子做事,唔識變通同解決問題。

唔捨得

曾幾何時雖然自己親手將擁有過嘅嘢拋諸腦後,但係仲記得由一個設計下網頁嘅細路到十年前開始管理一個團隊嘅管理層。一手將十三個人嘅團隊係四年之間擴展到二百幾人,講真好多時都唔使落手落腳做,大部份嘅時間都係開會同管理自己嘅團隊。以前因為打工,飛機同酒店變咗第二個屋企,去其他國家基本上公司俾錢,食好住好。有時其實唔敢相信六年時間過去,因為自己孤軍作戰,仲未返到家鄉!

為孩子


個人分享
Tagged With: , , , , , , , , ,

當自己個仔出世之後,我同老婆嘅生活當然自自然然以佢做中心,好多嘢依家都係諗佢嘅將來。當然未至於好多依家香港嘅家長咁,因為我覺得小朋友應該要有佢小朋友嘅生活。睇得多啲人講依家小學生連食飯嘅時間都無真係覺得洗唔洗咁可憐,畢竟佢哋只係小朋友。而香港好多小朋友都有情緒病,其實嚟個社會問題係邊個搞成?講到尾就係我哋嚟班成年人!本來想佢哋好,點知做成反效果!

五週年

時間真係過得好快,已不經不覺原來今日係自己公司成立嘅第五個年頭。過去五年做咗啲乜?好似好多都同公司無關,因為終於有時間讀返個大學學位返嚟,由準備結婚到結婚,去完渡蜜月準備要小朋友到郭大少仲有唔夠二十日出世,等等。至於公司方面就係起起跌跌,自己犯咗無數嘅錯,做咗好多唔知啱定錯嘅決定,希望同期望相差越嚟越遠。