五十七

唔知係唔係因為疫情嘅關係,今個月覺得過得好快。好似啱啱寫完郭大少上個月嘅嘢,而家又剛剛一個月。每日依然宅係屋企,唔知今年仲有冇機會返學。學校只係有三日每次大約三十分鐘嘅網上課程,其他都係網上短片同每個星期去學校拎功課。當然進度一定同返學無得比,而最緊要當然係唔好影響到小一面試啦。今個月亦都去咗影學生相,小朋友真係大得好快,過多三個月就五歲了!

五十六

無問過時間真係會快到咁,因為過咗唔知邊個歲數,我哋再無同郭大少慶祝二十七號。而家大多數都係幫妹妹慶祝,所以今日想佢開心吓就買咗個蛋糕俾佢。不過因為疫情,已經有好長時間無返學,真係足足兩個幾月。復課無期,一個星期得兩堂網上課程,所有其他嘅活動都取消晒。其實最擔心嘅都係今年開始考小學,而無學返真係好驚影響到佢嘅學習。今年餘下嘅學期都真係凍過水!

需父幹


個人分享
Tagged With: , , , , , , , , ,

今日係網上面睇到一間公司做內容推廣,而佢嘅手法都幾特別。因為佢嘅對象係一班父母,而啲內容亦都做得唔錯。但係令我令意到嘅其實係一位朋友嘅動態內容,「今時今日,爸爸不易做,要做好爸爸更難。各位爸爸,大家努力、加油!」同佢分享嗰條「成長需父幹」嘅短片。而佢句我覺得好百搭,因為可以將「爸爸」改成「媽媽」,「老公」,「老婆」,「老闆」,等等。。。