過完年


個人分享
Tagged With: , , , , , , , , ,

忙完一整個星期,咁就過完個新年。今年真係忙到傻咗,但係好開心因為第一整咁多糕送俾朋友。每晚夜麻麻做晒所有嘢,等郭大少同老婆瞓咗之後先至整。真係唔數唔知自己整咗十八底糕,而大部份都係好多人食完都話好食嘅黃金奶黃年糕。而今年最特別嘅就係自己第一次整蘿蔔糕同芋頭糕!雖然仲有好多地方要改進不過真係幾滿足,事關自己整嘅真係唔同啲!

好鬼攰


個人分享
Tagged With: , , , , , , , , ,

搬屋真係一件好鬼攰嘅事,係咁執嘢,係咁入箱,係咁封箱,係咁搬嘢,之後又係咁開箱,係咁執嘢。過去嗰幾日我同老婆真係命都短幾年。除咗執屋之外,仲要搞郭大少嘅係佢飲食。唔知點嘅最近好唔聽話,係咁要人抱,變咗隻樹熊,一直攬實你。如果唔係就係咁發脾氣,係咁喪喊,搞到老婆無得執嘢。唔知係唔係因為新環境,所以未習慣呢?