走佬袋

一路都覺得好好笑,點解大肚婆入醫院嘅時候要執一個袋,而大家個袋叫做「走佬袋」。我慢慢開始明白個名點嚟,因為當大肚婆要生嘅時候,你真係好似「走佬」咁滾水淥腳,咋咋臨執嘢走人。但係如果到時先執嘢,一定揦手唔成勢,唔記得呢樣嗰樣。到時去到醫院分分鐘連身份證都唔記得帶,到時都唔知點搞好。所以點解要執定嘢隨時「走佬」!

讓座呀

忍咗好耐到未得閒寫,終於要鬧爆啲超級自私精!我相信個個都會搭地鐵,而當然大部份繁忙時間你都唔駛旨意有位坐。所以盡可能我都唔想或希望我老婆大住個肚同人逼地鐵,一來人多,啲人係唔會理你係唔係大住肚,二來啲人係超級無品,唔會讓個位俾你!有時因為無車,同老婆搭地鐵真係見唔少嚟啲人。由其係啲年輕人!