寫唔寫

如果有睇到今日特首點樣回應《國安法》嘅話,其實應該都預咗佢會講乜嘢廢話。基本上《基本法》附件三係一個後門,任何時候其實都可以隨時將中國法律加入附件三。咁當然《國安法》所涵蓋嘅範圍實在太廣同太闊,咁究竟自己仲寫唔寫有關自己嘅睇法同政治相關嘅嘢好呢?當然出得文或多或少都會預咗,只不過今次咁強硬,可見佢哋淨係擔心社會運動繼續落去嘅話係會出事。

國安法

因為上年反修例而引起嘅社會風波,直到今日依然未平息。接二連三政府不斷打壓,亦都未有回應市民嘅訴求。與此同時香港回歸咁耐依然未為《基本法》23條立法,但係即將開幕嘅中國全國人民代表大會將審議有關香港「維護國家安全」的議案。據媒體報道,今次加入嘅《國安法》將包括顛覆國家政權,分裂國家,恐怖活動,以及外部勢力干預。

過晒火

有啲人以為今次嘅宣誓風波係一件小事,但係點知去到今日竟然搞到無可收拾嘅地步。當然我亦相信梁頌恆同游蕙禎無諗過事件會演變到今日嘅地步。其實今次真係幫佢哋唔落,本來可以有四年時間,但係而家真係分分鐘連議員都無得做。講真一日未宣誓,一日佢哋仲係候任立法會議員,所以真係大把位比人捉。依家只可以怪佢哋入世未深,如果今次無事真係希望佢哋經一事長一智,因為嚟個遊戲唔係咁易玩。

選管會

香港擁有嘅民主自由真係慢慢被侵蝕,而今年嘅立法會選舉就更加明顯。自從之前嘅區議會選舉之後,好多人都會認為係立法會選舉嘅前哨戰。所以當出現咁多嘅不明朗因素,今次嘅立法會選舉政府當然會有所舉動。當然好多官員都會提及本土或者港獨等等嘅言論,其實每個地方都有唔同聲音,而咁高調批評反對聲音就好明顯想壓制個班人!

港聲明

「聲明」

「中英聯合聲明」係指『中國』同『英國』就「香港」嘅問題作出一份共同發表嘅聲明。係 1984年12月19日由中國國務院總理「趙紫陽」與英國首相「戴卓爾夫人」係中國北京簽訂,當時中國最高領導人「鄧小平」和中國國家主席「李先念」等都有係現場見證。兩國政府係 1985年5月27日互相交換批准書,並且向聯合國秘書處登記,《中英聯合聲明》正式生效,象徵歷時 13年半嘅香港過渡時期嘅開始。